كل سنه فى نفس الميعاد
من سنه ألفين وأربعه
باطير هنا من غير جناح
باذرف مع كل حج أدمعه
باقف معاه عند الميقات
واقول نفسى ف إحرامى
وابدأ ألبى الندا
لبيك اللهم لبيك
باعيدها من تانى
واطل من بعد ع الكعبه
ملهوف ادور
على دعوه على لسانى
تكون أول دعاء مستجاب
دعوه تمسح ذنوبى وأحزانى
وابدأ طوافى
خطا مكتوبه مرسومه
وادعى فى وسط الجمع وحدانى
شوط ورا شوط
مع الإله هايم
وانا ساير بوجدانى
وانهيها بصلاه
خلف المقام
مع صوت الحجيج
بانسى نفسى وكيانى
أدور على المسعى
م الصفا أبدأ
الى المروه
والدعا من تانى
سبع أشواط من قلبى
